Үйлчилгээний төрлүүд

Хортон шавжтай тэмцэх
Мэрэгчгүйтгэх
Халдваргүйтгэх
Цэвэрлэгээ, усалгаа

Тусламж
хэрэгтэй юу?

Шавж, мэрэгч устгал, халдваргүйтгэлийн мэргэжлийн үйлчилгээг бидэнтэй холбогдож аваарай
+ 976 7011-5075 + 976 7011-5075

БОР ХАРХ

Ruttus norvegicus Berkenhout, 1769

Биеийн галбир, хэмжээ зүс: биеийн ерөнхий галбир хулганатай төстэй боловч илэрхий биерхүү. Биеийн урт 150-250 мм, сүүлний урт 100-220мм, хойт тавхайн урт 27-44мм, чихний урт 17-22мм. Биеийн жин 200-500 г. Биеийн нуруун тал бараавтар-бор буюу цайвар-бор. Сүүл нүцгэн. Толгойн ясны кондилобазаль урт 39-44мм, шанааны өргөн 19-26мм.

Амьдралын онцлог: Өвөлд өдрийн идэвхтэй, зуны үед бүрэнхий болон шөнө идэвхтэй. Байгалийн нөхцөлд голын эргээр нүх ухаж амьдрана.

Идэш тэжээл: Ургамал болон сээр нуруугүй амьтдаар хооллох тул холимог идэштэй амьтан. Ургамлын үр, амьтны гаралтай тэжээл, хог хаягдал зэрэг элдэв зүйл иднэ.

Үржил: Хээл тээх хугацаа 20-30 хоног. Жилд 2-3 удаа төллөх бөгөөд төллөх бүрдээ 7-8, түүнээс олон гөлчгий төрүүлнэ. Байгалийн нөхцөлд 4 жил орчим насална. Зарим эх сурвалжид 10-12 удаа зулзагалах чадвартай гэсэн байна.

Амьдрах орчин: Ойт хээр, ой, хот суурин газар, түүний ойролцоо гэр сууц, агуулахад элбэг тохиолдоно. Хүний суурьшил дагаж амьдарна.

Хор хөнөөл: Хөдөө аж ахуй, газар тариалангийн болон агуулахад маш аюултай хортон мэрэгч юм. Хүнсний болон бараа материалыг идэж, хөнөөх, бохирдуулахаас гадна барилга байшин, бараа материалыг гэмтээж хохирол учруулах. Мөн суурин газарт цахилгаан тоног төхөөрөмж болон хот суурингийн нэгдсэн цахилгааны кабелийг мэрж гэмтээж асар их хохирол учруулах бололцоотой. Бор хархны бүүрэг нь хүнийг хазсанаар тахал өвчин дэгдэх бололоцоотой.

Урьдчилан сэргийлэх болон устгалын арга

Урьдчилан сэргийлэх арга

- Хүнсний бүтээгдэхүүний үлдэгдэл хаягдалгүй байлгах.
- Мэрэгч үүрлэх, үржих үүр ноохой засах нөхцөл боломжийг бүрдүүлэхгүй байлгах.
- Цэвэрлэгээ үйлчилгээг тогтмол сайтар хийх.
- Тухайн байр обьектод мэрэгч нэвтэрч орох боломжийг бүрдүүлэхгүй байх.
Урьдчилан сэргийлэх болон устгалын арга

Устгалын арга

- Мэрэгч устгалын арга нь: мэрэгч амьтны биологийн хөгжлийн эргэлтийг таслан зогсооход чиглэгдэнэ.
- Механик арга
- Химийн арга
- Биологийн аргыг хослуулан хэрэглэж болно.

Айл өрх болон албан байгууллагын байр обьектод тархалтаас шалтгаалан тохирсон үйлчилгээг үзүүлэх болно.

Үйлчлүүлэгчдээс ирдэг түгээмэл асуултууд

Улаанбаатар хотод харх байдаг уу?

Нийслэлд нэг их тохиолдохгүй боловчиг хөдөө орон нутгийн зарим суурьшмал бүсэд тохиолддог.

Хархтай ороод ирвэл яах вэ?

Эхлээд мэргэжлийн байгууллагаас зөвөлгөө аваарай гэж зөвлөнөө.

Урьдчилан сэргийлэх зөвлөмж

  • Орчин, байр, агуулах, складыг цэвэр байлгах
  • Хоол хүнс, гурил, будаа, гоймон зэргийг битүү саванд хадгалах
  • Хог хаягдал, хоолны үлдэгдлийг шууд устгах
  • Орох хаалга, цоорхой нүх сүвийг зориулалтын хатуу материалаар (цементлэх) бөглөх.
  • Хил гааль, карго болон хөдөө орон нутгаас ирсэн бараа бүтээгдэхүүн хайрцаг савтай эд зүйлсийг сайтар шалгаж оруулах.